Ամբուազ (ֆր.՝ Amboise)՝ քաղաք Լուարում՝ Ֆրանսիայի կենտրոնում (դեպարտամենտ Էնդր և Լուար)։ Շրջապատված ռենեսանսներով և դղյակներով, որոնց ցուցակում ամենահայտնիներն են թագավորական Ամբուազ դղյակը և Շենոնսո դղյակը։ Բնակչությունը 2006 թ․֊ին 12,7 հազար բնակիչ։
Քաղաքը ժամանակագրություններում հայտնվում է 504 թ․֊ին, երբ «Ոսկե լճում»՝ Լուարի մեջտեղում, բանակցություններ էին ընթանում թագավորներ՝Քլոդվիգ I և Ալարիք II միջև։ XI դարում կոմս ֆր.՝ Foulques III Nerra վերցրել է կոմս Բլոիսից հիմնական գետանցը դեպի Լուար և ամրացրել է այն` կանգնեցնելով բարձր դոնժոնը, որը ժամանակի ընթացքում աստիճանաբար վերանվանվեց Ամբուազ դղյակ։
XV դարում Ամբուազը ֆեոդալական ընտանիքից անցավ թագավորական գանձարան։ Թագավոր Կառլ VIII-ը, լինելով Ամբուազից, նոր ամրոցի կառուցման համար ներգրավեց իտալացի ճարտարապետների, որոնց 1515 թ․֊ին միացավ նաև Լեոնարդո դա Վինչին։ Հենց այնտեղ էլ նա թաղվել է (Կլո Լյուսե)։
Ամբուազյան նստավայրի դեմ մղված Հուգենոտյան պատերազմների պատմության մեջ առանձնանում է երկու իրադարձություն` Հուգենոտների ամբուազյան դավադրությունը Գիզերի դեմֆր.՝ Guise (1560) և Ամբուազի հաշտության պայմանագիրը դավանանքի ազատության վերաբերյալ (1563)։ Բուրբոնների ժամանակ ամրոցը դատարկվել և ավերվել է։ Որպեսզի կանխվեր նրա վերջնական ավերումը, 1872 թ․֊ին Ֆրանսիայի ազգային ժողովը այն վերադարձրել է Օռլեական դինաստիային։
Ամբուազ քաղաքի քաղաքային վարչությունում պահպանվում են ատրճանակները, որոնցից մեկով մենեամարտի ժամանակ մահացու վիրավորվել է Ալեքսանդր Պուշկինը։