Аўтызм

Аўтызм; дзіцячы аўтызм - разлад, які ўзнікае з прычыны парушэння развіцця галаўнога мозгу і характарызуецца выяўленым і ўсебаковым дэфіцытам сацыяльнага ўзаемадзеяння і зносін, а таксама абмежаванымі інтарэсамі і паўтаральнымі дзеяннямі. Усе названыя прыкметы праяўляюцца ва ўзросце да трох гадоў. Падобныя станы, пры якіх адзначаюцца больш мяккія прыкметы і сімптомы, адносяць да разладжанняў аўтыстычнага спектру.

Дзіцячы аўтызм
Імкненне зноў і зноў парадкаваць прадметы - магчымая прыкмета аўтызму.
МКХ-10	F84.084.0
МКБ-10-КМ	F84.0
МКХ-9	299.00
МКБ-9-КМ	299.0[1]
OMIM	209850
DiseasesDB	1142
MedlinePlus	001526
eMedicine	med/3202 ped/180ped/180
MeSH	D001321
Медыяфайлы на Вікісховішчы

Прычыны аўтызму цесна звязаныя з генамі, якія ўплываюць на паспяванне сінаптычных сувязяў у галаўным мозгу, аднак генетыка захворвання складаная, і на дадзены момант невядома дакладна, што больш уплывае на ўзнікненне разладаў аўтыстычнага спектру: узаемадзеянне мноства генаў, альбо рэдка ўзнікаючыя мутацыі. У рэдкіх выпадках выяўляецца ўстойлівая асацыяцыя хваробы з уздзеяннем рэчываў, якія выклікаюць прыроджаныя дэфекты. Іншыя мяркуемыя прычыны спрэчныя, у прыватнасці, не атрымана якіх-небудзь навуковых доказаў гіпотэзы, якая злучае аўтызм з вакцынацыяй дзяцей. Паводле прыблізнай ацэнкі, распаўсюджанасць разладаў аўтыстычнага спектру складае 6 на 1000 чалавек, прычым у хлопчыкаў падобныя станы адзначаюцца прыкладна ў 4 разы часцей, чым у дзяўчынак.