Стыў Карэл
Сты́вэн Карэ́л (па-ангельску: Steven Carell; нарадзіўся 16 жніўня 1962 году) — амэрыканскі актор, камэдыянт, пісьменьнік, прадусар і рэжысэр. Ён згуляў ролю Майкла Скота ў тэлесэрыяле «Офіс» (2005—2013), экранізацыі брытанскага сэрыялу NBC, створанага Стывэнам Мэрчантам і Рыкі Джэрвэйзам, дзе Карэл таксама час ад часу працаваў прадусарам, сцэнарыстам і рэжысэрам. Карэл атрымаў мноства ўзнагародаў за свае выступы як у кіно, гэтак і на тэлебачаньні, у тым ліку прэмію Залаты Глёбус за найлепшую мужчынскую ролю ў жанры м’юзыклу альбо камэдыі, дзякуючы гэтаму сэрыялу. Часопіс Life прызнаў яго «Самым сьмешным чалавекам Амэрыкі»[3].
Стыў Карэл | |
 | |
| Дата нараджэньня | 16 жніўня 1962[1] (61 год) |
|---|---|
| Месца нараджэньня | |
| Месца вучобы | |
| Занятак | актор, тэлерэжысэр, комік, тэлепрадусар, характарны актор, сцэнарыст, кінаактор, тэлеактор, актор агучваньня, прадусар |
| Навуковая сфэра | акторства[d][2] |
| Узнагароды | |
| IMDb | ID nm0136797 |
Біяграфія рэдагаваць
Карэл упершыню атрымаў прызнаньне ў якасьці карэспандэнту «The Daily Show» з Джонам Ст’юартам з 1999 па 2005 гады. Ён працягваў здымацца ў некалькіх камэдыйных фільмах, у тым ліку «Тэлевядоўца: Легенда аб Роне Боргандзі» (2004) і ягоным працягу «Тэлевядоўца 2: Легенда працягваецца» (2013), а таксама ў кінастужках «40-гадовы цнатлівец» (2005), «Эван Усемагутны» (2007), «Будзь кемлівым» (2008), «Шалёнае спатканьне» (2010), «Гэтае бязглуздае каханьне» (2011) і «Шлях назад» (2013). У гэты ж час актор займаўся агучкай мультфільмаў, браўшы ўдзел у такіх праектах, як то «Лясная братчына» (2006), «Гортан» (2008) і ў франшызе «Гідасны я», якая ўпершыню пабачыла сьвет у 2010 годзе.
Карэл пачаў выконваць больш драматычныя ролі ў 2010-х гадах, дзякуючы ролі трэнэра па барацьбе і асуджанага за забойства Джона дзю Пона ў драматычным фільме «Лавец на лісаў» (2014), што прынесла яму, сярод розных узнагародаў, намінацыю на прэмію Оскар за найлепшую мужчынскую ролю[4], а таксама намінацыю на Залаты Глёбус[5]. Ён таксама атрымаў ухваленьне за свае галоўныя ролі ў фільмах «Маленькая міс Сонца» (2006), «Вялікі продаж без пакрыцьця» (2015) і «Бітва плоцяў» (2017), прычым дзьве апошнія кінастужкі прынесьлі яму восьмую і дзявятую намінацыі на прэмію Залаты Глёбус адпаведна[6]. Апошнім часам актор займаецца тэлевізійнымі праектамі, як то «Ранкавае шоў» на плятформе Apple TV+ і «Касьмічныя войскі», праект кампаніі Netflix.
Крыніцы рэдагаваць
- ^ Tikkanen A. Steve Carell // Encyclopædia Britannica (анг.)
- ^ Нацыянальная служба Чэскай рэспублікі
- ^ «Steve Carell Television Academy». Academy of Television Arts & Sciences.
- ^ «The 87th Academy Awards — 2015». Academy of Motion Picture Arts and Sciences.
- ^ «Golden Globe Awards 2016 nominees list». CBS News.
- ^ «Golden Globe Nominations: Complete List». Variety.
Вонкавыя спасылкі рэдагаваць
- Стыў Карэл (анг.) на сайце IMDb