Penisverlenging

Penisverlenging of penisvergroting is enige tegniek wat ten doel het om die menslike penis te vergroot. Sommige metodes verleng die penis, ander maak die penisskag dikker en nog ander vegroot die eikel (glans of kop). Tegnieke sluit in chirurgie, aanvullings, olies en plakkers, asook fisieke metodes soos pomp, "melk" en strek.

Prosedures om die penis te vergroot is ontwerp om die grootte van die poreuse silinders van die penis te vergroot of bloedvloei te stimuleer en ereksies harder te maak.

Chirurgiese penisverlengingsmetodes kan doeltreffend wees, maar daar is 'n risiko van komplikasies en dit word nie medies aanbeveel nie tensy die penis van mikrogroote is. Min wetenskaplike navorsing is oor nie-ingrypende metodes gedoen, en by die meeste is daar 'n gebrek aan bewyse van doeltreffendheid. Daar is egter beperkte wetenskaplike bewyse dat 'n mate van verlenging teweeggebring kan word deur lang strekkings.[1] Sommige kwaksalwersprodukte verbeter die ereksie, wat verbruikers met penisvergroting kan verwar.

Chirurgiese metodes

wysig
Sulke advertensies is algemeen in Suid-Afrika.

Daar is verskeie chirurgiese maniere om die penis te vergoot, maar die meeste kan aansienlike komplikasies oplewer.[2] Dit geld veral wanneer ongelisensieerde dokters dit uitvoer.[3]

Chirurgiese metodes sluit in die inspuiting van vetselle in die penis of die oorplanting van vetselle op die penis. Eersgenoemde kan lei tot swelling en misvorming; soms is die verwydering van die penis noodsaaklik. Laasgenoemde kan doeltreffend wees, maar die toename in grootte kan mettertyd verdwyn. Draagverbande kan die sagte penis vergroot, maar nie die stywe penis nie,[4] en kan probleme skep met seksuele funksie.[5]

Ander middels kan ook in die penis ingespuit word.[6][7] Weens die groot risiko en onsekerheid daaraan verbonde, is professionele medici gewoonlik skepties oor penisvergroting en probeer hulle dit vermy.[8][9] In 2019 is in 'n studie in Sexual Medicine Reviews bevind chirurgiese metodes is gewoonlik ondoeltreffend en kan die fisieke én geestelike gesondheid skade berokken.[10]

Mediese dokters behandel mikropenisse wel met chirurgie.[5] In sulke gevalle kan chirurgie urinerings- en seksuele funksies verbeter.[11]

Aanvullings

wysig

Pille, plakkers en olies om die penis te vergroot word aanlyn verkoop. Sulke produkte word gewoonlik as ondoeltreffend beskou.[12]

Fisieke tegnieke

wysig

Fisieke tegnieke behels verlengingstoestelle, gewigte en vakuumdruk. Daar is ook 'n aansienlike oorvleueling tussen tegnieke om die penis te vergroot en tegnieke vir ander, verwante doeleindes, soos die omkeer van impotensie, die verlenging van ereksies en die verhoging van sekuele klimaks.

Penispompe

wysig
'n Watergebaseerde penispomp.

'n Vakuum-ereksietoestel, algemeen bekend as 'n "penispomp", skep 'n negatiewe druk wat bloed in die penis intrek en dit laat vergroot.[13][14] Medies goedgekeurde pompe, waarmee erektiele disfunksie behandel kan word, beperk die maksimum druk, terwyl pompe wat deur mense gebruik word om die penis te vergroot, 'n gevaarlike druk kan bereik en penisweefsel kan beskadig.[15]

Om swelling te behou nadat die toestel se lugdigte seël gebreek is, moet 'n mens die basis van die penis toedruk, maar ná 30 minute kan dit die penis permanent beskadig en erektiele disfunksie veroorsaak.[16] Penispompe is nie in kliniese toetse doeltreffend bevind vir penisvergroting nie.[17][18]

Melking

wysig

Melking (Engels: jelqing, milking) word op 'n halfstywe penis toegepas. Dit is die gelyktydige druk en streling van die penisskag met die hand, van die basis tot die eikel. Ondanks baie vertellings van sukses, is daar geen mediese bewyse daarvan nie.[19] Joernaliste het dié metode as biologies onwaarskynlik beskryf,[20] of selfs onmoontlik, hoewel dit nie sommer die penis kan beskadig nie.[21] Tog kan melking, as dit baie woes gedoen word, skeure, letsels, disfigurasie en ongevoeligheid veroorsaak.[19][20]

Strekking

wysig
Een soort strekkingstoestel.

Strekking of traksie (Engels: traction) is die gebruik van 'n toestel wat vir lang rukke aan die eikel van die penis trek. Teen 2013 is die meeste navorsing gedoen oor die gebruik daarvan om die kromming en krimping van die penis weens Peyronie se siekte teen te werk, hoewel daar ook geskrifte is oor die uitwerking op mans met 'n kort penis.[22]

Daar is wetenskaplike bewyse dat die lengte van die penis ietwat vergroot kan word deur lang strekkings.[1] Daar is ook bewyse dat die verlenging onbeduidend kan wees.[23]

Verwysings

wysig
  1. 1,0 1,1 Oderda M, Gontero P (April 2011). "Non-invasive methods of penile lengthening: fact or fiction?". BJU International. 107 (8): 1278–1282. doi:10.1111/j.1464-410X.2010.09647.x. PMID 20868389.
  2. Levine LA, Becher EF, Bella AJ, Brant WO, Kohler TS, Martinez-Salamanca JI, et al. (April 2016). "Penile Prosthesis Surgery: Current Recommendations From the International Consultation on Sexual Medicine". The Journal of Sexual Medicine. 13 (4): 489–518. doi:10.1016/j.jsxm.2016.01.017. PMID 27045255.
  3. Blatchford C (2 Mei 2001). "The beauty butchers". National Post. Besoek op 14 Julie 2014.
  4. Neligan PC, red. (2013). Plastic Surgery. Vol. 6 (3d uitg.). Elsevier Health Sciences. p. 657. ISBN 978-1-4377-1733-4.
  5. 5,0 5,1 Barrell A (12 Januarie 2020). "Does penis enlargement work? Methods and effectiveness". Medical News Today. Besoek op 1 Maart 2020.
  6. Shamsodini A, Al-Ansari AA, Talib RA, Alkhafaji HM, Shokeir AA, Toth C (Desember 2012). "Complications of penile augmentation by use of nonmedical industrial silicone". The Journal of Sexual Medicine. 9 (12): 3279–3283. doi:10.1111/j.1743-6109.2011.02563.x. PMID 22145947.
  7. Fukuda H, Endo H, Katsuzaki J, Mukai H (Augustus 2016). "Development of nodules on the glans penis due to hyaluronic acid filler injection". European Journal of Dermatology. 26 (4): 416–417. doi:10.1684/ejd.2015.2600. PMID 26081014. S2CID 41634996.
  8. Vardi Y (April 2006). "Is penile enlargement an ethical procedure for patients with a normal-sized penis?". European Urology. 49 (4): 609–611. doi:10.1016/j.eururo.2005.12.053. PMID 16439051.
  9. Griffin RM (2010). "Penis enlargement: Does it work?". WebMD. Besoek op 28 Julie 2011.
  10. Ratan NM (9 Julie 2020). "Penis enlargement surgery ineffective and potentially dangerous". News-Medical.net.
  11. Campbell J, Gillis J (Februarie 2017). "A review of penile elongation surgery". Translational Andrology and Urology. 6 (1): 69–78. doi:10.21037/tau.2016.11.19. PMC 5313298. PMID 28217452.
  12. Nugteren HM, Balkema GT, Pascal AL, Schultz WC, Nijman JM, van Driel MF (2010). "Penile enlargement: from medication to surgery". Journal of Sex & Marital Therapy. 36 (2): 118–123. doi:10.1080/00926230903554453. PMID 20169492. S2CID 39984361.
  13. Stein MJ, Lin H, Wang R (Februarie 2014). "New advances in erectile technology". Therapeutic Advances in Urology. 6 (1): 15–24. doi:10.1177/1756287213505670. PMC 3891291. PMID 24489605.
  14. Qian SQ, Gao L, Wei Q, Yuan J (Mei–Junie 2016). "Vacuum therapy in penile rehabilitation after radical prostatectomy: review of hemodynamic and antihypoxic evidence". Asian Journal of Andrology. 18 (3): 446–451. doi:10.4103/1008-682X.159716. PMC 4854102. PMID 26289397.
  15. Engber D (29 Junie 2006). "Do penis pumps work?". Slate.
  16. Lehrfeld T, Lee DI (2009). "The role of vacuum erection devices in penile rehabilitation after radical prostatectomy". International Journal of Impotence Research. 21 (3): 158–164. doi:10.1038/ijir.2009.3. PMID 19225465.
  17. Min KS (2016). "Chapter 20: Penile traction therapy (penile lengthening device". In Park NC, Kim SW, Moon DG (reds.). Penile Augmentation. Springer. p. 162. ISBN 9783662467534.
  18. Hecht SL, Hedges JC (2016). "Chapter 13: Vacuum therapy for erectile dysfunction". In Köhler TS, McVary KT (reds.). Contemporary Treatment of Erectile Dysfunction: A Clinical Guide (2nd uitg.). Humana Press. p. 181. ISBN 9783319315874.
  19. 19,0 19,1 Mayo Clinic Staff. "Penis-enlargement products". Mayo Clinic. Besoek op 6 Januarie 2013.
  20. 20,0 20,1 Wanjek C (20 Februarie 2007). "Penis enlargement products come up short". livescience.com. Tech Media Network. Besoek op 6 Januarie 2013.
  21. Johanson S (2011). "Jelqing". Talk Sex with Sue Johanson. Geargiveer vanaf die oorspronklike op 10 Februarie 2018. Besoek op 14 Junie 2013.
  22. Chung E, Brock G (Februarie 2013). "Penile traction therapy and Peyronie's disease: a state of art review of the current literature". Therapeutic Advances in Urology. 5 (1): 59–65. doi:10.1177/1756287212454932. PMC 3547530. PMID 23372611.
  23. Usta MF, Ipekci T (Junie 2016). "Penile traction therapy for Peyronie's disease-what's the evidence?". Translational Andrology and Urology. AME Publishing Company. 5 (3): 303–309. doi:10.21037/tau.2016.03.25. PMC 4893512. PMID 27298777.

Skakels

wysig