Makuleke

Bewaringsgebied in die Krugerwildtuin

Die Makuleke-vleiland is die noordelikste deel van die Krugerwildtuin en sal mettertyd die kern vorm van die oorgrenspark.

Makuleke-vleiland
Makuleke Kontraktuele Park
Die Levuburivier in die Makuleke-vleiland
Die Levuburivier in die Makuleke-vleiland
LandVlag van Suid-Afrika Suid-Afrika
ProvinsieLimpopo
Naaste dorpTshipise
Ligging van Makuleke-vleiland op 'n kaart (Limpopo)
Makuleke-vleiland
Makuleke-vleiland
Makuleke-vleiland in Suid-Afrika
Koördinate: 22°24′05″S 31°11′49″O / 22.40139°S 31.19694°O / -22.40139; 31.19694Koördinate: 22°24′05″S 31°11′49″O / 22.40139°S 31.19694°O / -22.40139; 31.19694
Oppervlak240 km²
OpeningsjaarIngelyf by Krugerpark in 1969
Teruggegee aan die
Makuleke-volk in 1998
BestuursliggaamSANParke, Makuleke-volk

Die gebied is die driehoekige vloedvlakte wat gevorm word by die samevloeiing van die Limpoporivier en die Levuburivier, en lê by 22° 23′ suid en 31° 11′ oos. Zimbabwe grens in die noorde en Mosambiek in die ooste aan die streek. Pafuri en Crook’s Corner lê daarbinne.

Hierdie gebied van 'n 7 800 ha is sedert 2007 'n verklaarde Ramsar-vleiland.

Opvallende flora in die omgewing is die bosse langs die strome en gras op die vloedvlakte. Daar is 31 panne wat water kry van vloede en reën en hou water tot lank in die droë somermaande. Gevolglik is hier baie diere en veral watervoëls. Kuddes van seekoeie kom voor.

Die vloedvlakte verhoed dat vloede stroomaf in Mosambiek skade aanrig. Dit gee die water ook kans om in die grond in te sak om die watertafel op peil te hou. Dit kom weer die plantegroei ten goede.

Lees ook

Eksterne skakels