Frankium

87 radon ← frankium → radium Cs ↑ Fr ↓ (Uue) Periodieke tabel
Algemeen
Naam, simbool, getal	frankium, Fr, 87
Chemiese reeks	alkalimetaal
Groep, periode, blok	1, 7, s
Atoommassa	(223) g/mol
Elektronkonfigurasie	[Rn] 7s1
Elektrone per skil	2, 8, 18, 32, 18, 8, 1
CAS-registernommer	7440-73-5
Fisiese eienskappe
Toestand	moontlik ’n vastestof
Smeltpunt	300 K (30 °C)
Kookpunt	950 K (680 °C)
Digtheid (naby k.t.)	afgelei; 2,8–3,0 g/cm³
Atoomeienskappe
Oksidasietoestande	+1
Ionisasie-energieë	1ste: 393 kJ/mol
Geskiedenis
Ontdek	1939
Ontdek deur	Marguerite Perey
Vorige naam	aktinium-K
Genoem na	Frankryk, waar dit ontdek is
Datum van naam	1949
Vernaamste isotope
Isotope van frankium iso NV halfleeftyd VM VE (MeV) VP 221Fr spoor 4,8 min. α 6,457 217At 222Fr sin 14,2 min. β− 2,033 222Ra 223Fr spoor 22,00 min. β− 1,149 223Ra α 5.430 219At
Portaal Chemie

Frankium of fransium is ’n chemiese element met die atoomgetal 87 en simbool Fr. Dit is die tweede skaarsste element wat natuurlik voorkom (naas astaat) en ’n hoogs radioaktiewe metaal wat in astaat, radium en radon verval. As ’n alkalimetaal het dit een valenselektron.

Massahoeveelhede frankium is nog nie waargeneem nie. Na aanleiding van die algemene voorkoms van die ander elemente in dié periode van die periodieke tabel word aanvaar frankium sal ’n hoogs reaktiewe metaal wees as genoeg byeengekry kan word om as ’n massavastestof of -vloeistof waar te neem. Om so ’n monster te kry is hoogs onwaarskynlik omdat die hoë vervalhitte (die halfleeftyd van sy langslewende isotoop is net 22 minute) dadelik enige waarneembare hoeveelheid van die element sou laat verdamp.

Frankium is in 1939 deur Marguerite Perey in Frankryk ontdek, vandaar die naam. Dit is die laaste element wat eers in die natuur ontdek is eerder as deur sintese.^{[nota 1]} Buite die laboratorium is frankium uiters seldsaam, met spoorhoeveelhede wat aangetref word in uraan- en toriumerts, waar die isotoop frankium-223 voortdurend vorm en verval. Net sowat 20–30 g bestaan op enige gegewe tydstip in die aardkors; die ander isotope (buiten frankium-221) is geheel en al sinteties. Die grootste hoeveelheid wat in die laboratorium vervaardig is, was ’n tros van meer as 300 000 atome.^[1]