8 November

8 November is die 312de dag van die jaar in die Gregoriaanse kalender (313de in skrikkeljare). Daar volg nog 53 dae.

Gebeure wysig

1047 – Pous Benedictus IX volg Pous Clemens II op.
1519 – Hernán Cortés bereik Tenochtitlán waar die Asteekse heerser Moctezuma II hom met prag en praal ontvang, soos wat betaamlik sou wees vir 'n terugkerende god.
1576 – Die Bevrediging van Gent onderteken
1793 – In Parys word die Louvre deur die Franse Rewolusionêre regering as 'n museum vir gebruik deur die publiek geopen.
1889 – Montana word die 41ste deelstaat van die Verenigde State.
1895 – Wilhelm Röntgen ontdek die x-strale.
1923 – Adolf Hitler, Erich Ludendorff en ander lede van die Kampfbund begin die Biersaalputsch in München, in 'n poging om beheer oor te neem in Duitsland.
1958 – Pioneer 2 word lanseer.
1987 – Australië klop Engeland in die eindstryd met 7 lopies en wen sodoende die vierde Krieketwêreldbeker in Indië en Pakistan.
1991 – Die Suid-Afrikaanse krieketspan kom die eerste keer in Kalkutta aan vir een van drie eendag-wedstryde in Indië en bring die stad tot stilstand.
2002 – Die Verenigde Nasies se Veiligheidsraad neem Resolusie 1441 aan, wat Irak dwing om te ontwapen of ernstige gevolge in die gesig te staar.

1656 – Edmond Halley, ’n Britse sterrekundige, ontdekker van Halley se Komeet († 1742).
1847 – Bram Stoker, Ierse skrywer († 1912).
1848 – Gottlob Frege, Duitse wiskundige († 1925).
1883 – Arnold Bax, Engelse komponis († 1953).
1885 – Tomojoeki Jamasjita, Japannese generaal in die Tweede Wêreldoorlog († 1946).
1900 – Margaret Mitchell, Amerikaanse skryfster († 1949).
1900 – Charley Paddock, Amerikaanse atleet († 1943).
1914 – Norman Lloyd, Amerikaanse akteur († 2021).
1922 – Chris Barnard, Suid-Afrikaanse hartchirurg († 2001).
1932 – Stéphane Audran, Franse aktrise († 2018).
1935 – Alain Delon, Franse akteur.
1946 – Guus Hiddink, Nederlandse sokkerspeler en -afrigter.
1952 – Alfre Woodard, Amerikaanse aktrise.
1954 – Kazuo Ishiguro, Japannees-Britse skrywer en Nobelpryswenner.
1967 – Courtney Thorne-Smith, Amerikaanse aktrise.
1968 – Parker Posey, Amerikaanse aktrise.
1972 – Gretchen Mol, Amerikaanse aktrise.
1975 – Tara Reid, Amerikaanse aktrise.
1974 – Penny Heyns, Suid-Afrikaanse swemmer.
1986 – Aaron Swartz, Amerikaanse rekenaarprogrammeerder, skrywer en internetaktivis († 2013).
1988 – Jessica Lowndes, Kanadese aktrise en sangeres.
1991 – Riker Lynch, Amerikaanse sanger-liedjieskrywer, akteur en danser.
2003 – Louise Mountbatten-Windsor, kleindogter van koningin Elizabeth II van die Verenigde Koninkryk.

618 – Pous Deusdedit, die 68ste pous van die Rooms-Katolieke Kerk (* onbekend).
955 – Pous Agapetus II, die 129ste pous van die Rooms-Katolieke Kerk (* onbekend).
1308 – Johannes Duns Scotus, Fransiskaanse teoloog en filosoof (* 1266)
1674 – John Milton, Engelse digter en skrywer (* 1608)
1953 – Johannes van Melle, Nederlandsgebore Afrikaanse skrywer van onder meer Bart Nel (* 1887).
1980 – Lulu Latsky, eerste vrou in Suid-Afrika wat 'n doktorsgraad in Wetenskap verwerf (* 1901).
1986 – Wjatsjeslaf Molotof, Sowjet-politikus en diplomaat (* 1890)
1990 – Wolfgang Schmieder, Duitse bibliotekaris en musiekkundige (* 1901).