Seunaleuëk:Teunuléh Peuniléh 10

Prang Hattin nakeuh saboh prang nyang keujadian bak 4 uroë Buleuën Nam thôn 1187 atawa bak buleuën puasa thôn 584 hijriyah. Prang nyan geuturi cit ngon nan Prang Lungkèe Hattin saweuëb teumpat keujadian prang nyan na bak puncak Hattin nyang ka gadoh. Prang nyan nakeuh antara teuntra Islam di meuyub panglima rayek Salahuddin Al-Ayyubi geulawan teuntra Salib nyang na lam Keurajeuën Yerussalem.

Teuntra Islam nyang geupimpin lé Salahuddin ka geupeutalô teuntra Salib lam prang nyan. That ramèe teuntra Salib nyang maté lam prang nyan, ngon ramèe cit nyang ceudra ka sampoë awaknyan hana teuga lé keu dijak meuprang lom lheuëh talô masa nyan. Meuseubab ngon talô lam prang nyan, ureuëng Islam ka meutamah jitakôt lé teutra Salib seubagoë saboh aseuka militè nyang that hayeuë di tanoh suci. Lhèe thôn lheuëh nyan, banda Yerusalem nyang ka 100 thôn jikuasa lé teuntra Salib deungon prang nyan ka meuhasé geureubôt keulayi keu ureuëng Islam. (lom... →)