Muhammad
Muhammad (bahsa Arab: محمد, أَبُو القَاسِم مُحَمَّد بنِ عَبد الله بنِ عَبدِ المُطَّلِب), na keuh nan salah sidroe nabi nyang lahé di Meukah bak tanggay 12 Rabi'ul Awwal lam thôn Gajah atawa bak tanggay 20 Beuleuën Peuët thôn 571 Maseuhi. Yahgeuh Abdullah, makgeuh Aminah.
| Muhammad bin Abdullāh | |
|---|---|
 Nan "Muhammad" lam saboh kheuet Arab. | |
| Lahe | 570/571 Maseuhi Mekkah, Jazirah Arab (jinoe Arab Saudi) |
| Abeh umu | 8 uroe Buleuen Nam 632 M (umu 63) Madinah, Jazirah Arab (jinoe Arab Saudi) |
| Bansa | Arab |
| Nan hei | Al-AminAs-SaadiqRasul AllāhAbu al-Qasim |
| Geuturi sabab | Ureueng me agama Islam |
| Agama | Islam |
| Meukawen ngon | Khadijah |
| Ureueng chik | Yah: ‘Abdullāh |
Watèë Muhammad mantöng umu 3 buleuën lam kandông, yahgeuh, Abdullah ka geutinggay dônya. Watèë umu gopnyan nam thôn, Aminah pih ka geuwoë bak Allah, ka yatim meuntuy Muhammad, teuma dudoë nibak nyan geucök nabi lé Abdul Muththalib geujaga geusatöh.
Barô lapan thôn umu di nabi, ka meuninggay Abdul Muththalib. Teuma lheuëh nyan nabi geutanyoë neujaga lé Abu Thalib, nabi neusatöh leubèh bak aneuk droë. Thôn lahé nabi geupeunan thôn gajah kareuna bak thôn nyan trôh teuka keunan u Meukah saboh kawan teuntra gajah Raja Abrahah nibak nanggroë Habsyi nyang na leubèh kureuëng 60.000 ribèë droë, jikeuneuk peuancô Ka'bah (Baytullah), bak teungöh-teungöh jalan geupubinasa lé Allah Ta'ala ban dum teuntra nyan deungön geupeurintah bak cicém Ababil untôk peuancô Abrahah ngön teuntrajih.
Lagèë nyang na lam Al-Qur'an, bak Surat Al-Fil:
"Peuë hana takalön pakri ban tuhan gata (Allah) neupeugöt tindakan ateuëh teuntra gajah? Bukönkeuh Allah nyang peujeuët tipèë daya ureuëng nyan (teuntra gajah) jeuët keu seusat (sia-sia)? Ngön neukirém ateuëh ureuëng nyan cicém Ababil nyang sép that le. Nyang jirhom lé cicém nyan ateuëh ureuëng nyan deungön aneuk bateë nibak nuraka Sijjiil. Teuma lheuëh nyan laju neupeujeuët lé Allah ureuëng nyan ka lagèë ôn kayèë nyang jipajôh lé ulat".
Masa ubeut-ubeut nabi Muhammad, buët siuroë-uroë nakeuh geupeurabé kamèng atra ureuëng-ureuëng di Meukah, bak watèë umu 12 thôn ka mulai geujak meukat-meukat ngon Abu Thaléb.
Silsilah
Nan Muhammad lam kheuet Tsuluts, salah saboh jeunèh kheuet Arab
Nan Muhammad lam kheuet Kufi bak Mausoleum Khoja Ahmed Yasavi, Kazakhstan
Panel kaligrafi nibak akhe abad keu-18 atawa away abad keu-19 le Mustafa Rakim
Kheuet meuceureumèn nibak nan Muhammad
Kheuet decoupage (abad keu-18 atawa 19) ngon nan Muhammad meuceureumèn bak ateueh teungoh
Keuramik Palèstina meusurat nan Allah ngon Muhammad
Ambigram – Kheuet Muhammad (محمد) teubalek geubeuet Ali (علي), meunan cit sibalekjih
Seunurat Muhammad ngon kheuet Kufi lam peuet sagoe
Kheuet Kufi geometrik bak Madrasah Bou Inania (Meknes); seunuratjih nakeuh بركة محمد atawa baraka muḥammad (bak beureukat ateueh Muhammad)
Ubin nibak abad keu-14 bak mausoleum di Uzbèkistan, meusurat nan Muhammad (محمد) lam kheuet Kufi peuet sagoe
Ne
| Wikimedia Commons na mèdia nyang na meupawôt ngön: Nabi Muhammad |